Tjaldsvæði

Tjaldsvæðið er opið frá 15 Maí til 15 September.

Ef þú ert að leita að fjölskylduvænu tjaldsvæði nálægt Reykjavík þá er tjaldsvæðið í Hafnarfirði rétti staðurinn. Hafnarfjörður er þriðji stærsti bær Íslands með um 30.000 íbúa. Bærinn er oft kallaður bærinn í hrauninu enda er hraun allsráðandi. Einnig er Hafnarfjörður með marga íbúa huldufólks. Keyrt er inná Víðistaðatún eftir gangstíg við hlið Lava Hostel/ skátaheimilisins.

Tjaldsvæði Hafnarfjarðar er á Víðstaðatúni sem er fallegur listaverkagarður umkringdur hrauni. Rólegt, hlýlegt og fjölskylduvænt umhverfi með nægu plássi fyrir börnin til að leika sér. Stutt í alla þjónustu og miðbæ Hafnarfjarðar.
Heitt og kalt vatn, sturtur, þvottavél, Wi-Fi og salerni við tjaldsvæðið. Einnig eru þar útivaskar til uppvasks og rafmagn á svæðinu.

Tjaldsvæðið er rekið af skátafélaginu Hraunbúum og rennur ágóði þess í uppbyggingu á skátastarfinu.

Aðstaða

  • Klósett
  • Sturtur
  • Heitt og kalt vatn
  • Þvottavél og Þurkari
  • Losun á ferðaklósetti
  • Uppþvottaraðstaða
  • Kolagrill og bekkir
  • Rafmagn 1.200 kr. á dag

Verð 2024

  • Tjald: 2.500 kr. (einn fullorðinn innifalið)
  • Bíll eða hýsi: 3.000 kr. (einn fullorðinn innifalið)
  • Auka fullorðinn: (14 ára og eldri): 2.000 kr
  • Frítt fyrir 13 ára og yngri.
  • Rafmagn: 1.200 kr.

Gistináttaskattur er 300 kr á tjald/bíl eða hýsi fyrir hverja nótt.

Reglur

  • Bílar þurfa að vera lagðir upp á bílastæði.
  • Aðilar undir 18 ára aldri þurfa að vera í fylgd með forráðamanni.
  • Það er hægt að nota rafmagn á svæði C en þið þurfið langa snúru, tenglanir eru hinum megin við aksturveginn á svæði B.
  • Við bjóðum ekki upp á langtímastæði, hámarksdvöl eru 7 dagar í einu.
  • Takmarkið hávaða þannig að þú ónáðir ekki aðra gesti.
  • Borgið hverja nótt fyrirfram annars eigið hættu á að missa stæðið.
  • Hundar verða að vera í bandi.
  • Aðeins einn húsbíll eða vagn í hvert stæði.
  • Verðmæti eru á eigin ábyrgð.
  • Varðeldar eru ekki leyfðir.

Bókaðu stæði

Allar bókanir þurfa að fara í gegnum Parka.is. Þið fáið leiðbeiningar um hvernig þið komist inn á svæðið í gegnum tölvupóst þegar þið eruð búin að bóka.

Fyrir hópa bókanir hafið þá samband í gegnum info@lavahostel.is

Kort af svæðinu: