Tjaldsvæði

Ef þú ert að leita að fjölskylduvænu tjaldsvæði nálægt Reykjavík þá er tjaldsvæðið í Hafnarfirði rétti staðurinn. Hafnarfjörður er þriðji stærsti bær Íslands með um 30.000 íbúa. Bærinn er oft kallaður bærinn í hrauninu enda er hraun allsráðandi. Einnig er Hafnarfjörður með marga íbúa huldufólks. Keyrt er inná Víðistaðatún eftir gangstíg við hlið Lava Hostel/ skátaheimilisins.

Tjaldsvæði Hafnarfjarðar er á Víðstaðatúni sem er fallegur listaverkagarður umkringdur hrauni. Rólegt, hlýlegt og fjölskylduvænt umhverfi með nægu plássi fyrir börnin til að leika sér. Stutt í alla þjónustu og miðbæ Hafnarfjarðar.
Heitt og kalt vatn, sturtur, þvottavél, Wi-Fi og salerni við tjaldsvæðið. Einnig eru þar útivaskar til uppvasks og rafmagn á svæðinu.

Tjaldsvæðið er rekið af skátafélaginu Hraunbúum og rennur ágóði þess í uppbyggingu á skátastarfinu.

Fyrir hópa bókanir hafið þá samband í gegnum info@lavahostel.is

Verð 2025

• Tjald: 3.000 kr. (einn fullorðinn innifalið)
• Bíll eða hýsi: 3.500 kr. (einn fullorðinn innifalið)
• Auka fullorðinn: (14 ára og eldri): 2.500 kr
• Frítt fyrir 13 ára og yngri.
• Rafmagn: 1.300 kr.

Gistináttaskattur er 400 kr á tjald/bíl eða hýsi fyrir hverja nótt.

Reglur

Ferðbúinn ehf. (kt.630293-3329) rekur tjaldsvæðið og ber ábyrgð á afhendingu þeirra þjónustu sem keypt er hér.

• Aðilar undir 18 ára þurfa að vera í fylgd með forráðamanni.
• Takmarkið hávaða þannig að þú ónáðir ekki aðra gesti.
• Borgið hverja nótt fyrirfram annars eigið hættu á að missa stæðið.
• Bílar sem ekki er verið að sofa í þurfa að vera lagðir upp á bílastæði.
• Við bjóðum ekki upp á langtímastæði og er hámarks dvöl 7 dagar.
• Varðeldar eru bannaðir.
• Verðmæti eru á eigin ábyrgð.
• Hundar eiga að vera í bandi.
• Það má ekki reykja eða elda í aðstöðuhúsinu.
• Vinsamlegast farið með ruslið upp í sorpgerðið sem er staðsett fyrir ofan aðstöðuhúsið.
• Ekki keyra inn á svæði A (aðeins tjöld).
• Þú samþykkir að vera vaktaður með öryggismyndavélum sem eru við innganginn á tjaldsvæðinu og að vera vaktaður með númerplötu skanna sem hleypir bílunum inn um hliðið.
• Þú samþykkir að leyfa okkur að senda tölvupóst með kvittun og upplýsingum um svæðið.
• Greiðanda gefst kostur á að afbóka sig allt að 24 tímum fyrir bókaða dagsetningu og fá endurgreidda upphæð að frádregnu 500 kr. skráningargjaldi endurgreitt.
• Ef dvöl er stytt fæst 50% endurgreiðsla fyrir þær nætur sem ekki eru nýttar. Ef dvöl styttist eftir kl. 13:00, dregst ein nótt frá heildar endurgreiðslu.
• Gestur tjaldsvæðis þarf að vera með kvittun útprentaða eða vistaða í snjallsíma þegar hann er á svæðinu og geta birt tjaldstæðavörðum við eftirlit á svæðinu.
• Gestir tjaldsvæðis geta komið sér fyrir eftir kl. 13:00 á svæðinu. Ef aðstæður leyfa geta landverðir gefið heimild til að tjalda fyrir þann tíma.
• Gestir tjaldsvæðis þurfa að vera búnir að yfirgefa tjaldsvæðið fyrir kl. 12:00. Ef aðstæður leyfa geta landverðir gefið heimild til að seinka brottför.
• Hámarksfjöldi gesta í hverju stæði er 6 einstaklingar 14 ára eða eldri (börn 13 ára og yngri eru ekki takmarkandi þáttur). Ef um fleiri er að ræða þarf að kaupa stæði til viðbótar.
• Óheimilt er að framselja bókað stæði.
• Verð á vörum og þjónustu eru birt með VSK.
• Bókun þín gætur verið gjaldfærð hvenær sem er eftir að bókun hefur verið staðfest.
• Skilmálar þessir lúta íslenskum lögum. Ef eitthvert ákvæði skilmála þessara verður dæmt ógilt, ólöglegt eða óhæft til fullnustu, dregur það ekki á neinn hátt úr gildi, lögmæti eða fullnustuhæfi annarra ákvæða skilmálanna. Rísi mál út af skilmálum þessum skal það rekið fyrir Héraðsdómi Reykjaness.

Kort af svæðinu: